|
پښتو
Pashto
پښتو د هغو پنځوسو معتبرو ژبو په
کتار کي راځي کوم چي بډای ادبيات لري . پښتو د افغانستان ملي ژبه ده .
په افغانستان کي نژدې ١٢ مليونه وګړي خبري په کوي ( د ١٣٥٣ کال د
احصايې له مخي ) .
او په پښتونستان کي نژدې اوه مليونه وګړي خبري پرې کوي . سربېره پر دې
دوو سيمو يو شمېر پښتانه په پاکستان ، هند ، کشمير ، يو لږ شمېر د چين
په ( سين کيان ) او له پنځو سوو زرو نه زيات پښتانه د ايران په خاوره
کي ژوند کوي . د چين د پښتنو د موجوده ژبي په باب معلومات نشته .
د پښتو څېړني او زده کړي ته د وروستيو درو پېړيو په جريان کي د لوېديزو
څېړونکو زياته پاملرنه اوښتې ده . په بريتانيا ، روسيه ، فرانسه ،
جرمني او نورو هيوادو کښي ډېرو پوهانو پښتو زده کړې او څېړلې ده . ډيرو
لوېديزو پوهانو ډول ډول پښتو کتابونه ليکلي دي .
د ١٩٣٩ کال نه وروسته د مسکو د ختيځ پېژندني په انستيتوت او يو شمېر
نورو لوړو پوهنځيو کي د پښتو تدريس په منظم ډول شروع شو چي د تدريس
انتظام او د موادو برابرول يې د استاد اسلانوف د زيار او زحمت محصول وو
.
تمرين :
١ ــ په کومو هيوادونو کي په پښتو ژبه خبري کيږي ؟
٢ ــ په کومو لوېديزو هيوادونو کي پښتو ژبي ته زياته پاملرنه سوې ده ؟
|