|
١٢١٦ هـ ــــ ١٣٥٧ هـ
محمد زي د کندهار د درانو د بارکزي قوم يوه څانکه ده ، چي محمد نيکه د دې کورنۍ
موسس دئ چي د ١٠٠٠ هـ ق يا ١٥٩١ م په شاو خوا کي يې په ارغستان کي چي د کندهار د
ښار په جنوب شرقي خوا کي پروت دئ ژوند کاوه او د ملک سدو هم وخته وو کوم چي د
ابداليانو د قبيلو حکمران وو . محمد نيکه تر مرګ وروسته په هغه کلي کي ښخ سو .
د دې کورنۍ يو غړی ( حاجي جمال ) چي د شير سرخ په جرګه کي چي د پاچا د انتخابولو د
پاره جوړه سوې وه ګډون درلود د احمد شاه بابا تر پاچا کېدو وروسته د هغه د دربار
مشاور سو ، تر مرګ وروسته د کندهار د ذاکر په کلي کي ښخ سو . تر ده وروسته د ده زوی
سردار پاينده محمد خان د ارغستان څخه تر هلمند پوري د بارکزيو د قبيلو د ريس په
توګه شهرت و موند . او د تېمور شاه په وخت کي په لوړه سترګه ور ته و کتل سوه او هغه
ته يې لوړ خدمتونه و کړه .
|